Исроил режаси ошкор қилинди: анклавни эгаллаш ва гуманитар каналларни тўсиш мақсад қилинган

Исроил ҳарбий-сиёсий маҳкамаси анклавни босиб олиш имконияти билан Ғазо секторидаги операцияни кенгайтириш режасини маъқуллади, деб ёзади Ynet.

Портал манбасига кўра, ҳарбий режа Фаластин анклавини босиб олиш ва босиб олинган ҳудудларни ушлаб туришни ўз ичига олади.

Бундан ташқари, Исроил мудофаа армияси (ТсАҲАЛ) ҲАМАС ҳарбий ҳаракатига оммавий зарбалар бериш, шунингдек, уни гуманитар ёрдам етказиб бериш ва тарқатиш имкониятидан маҳрум қилиш ниятида.