Исроил пейжерларга портловчи модда ўрнатиш учун сохта компания яратган

Бу ҳақида New York Times разведка ходимларининг сўзларига таяниб хабар бермоқда.

Офиси Будапештда жойлашган "BAC Consulting” гўёки Тайваннинг Голд Аполло компанияси номидан қурилмалар ишлаб чиқарган, лекин аслида у Исроил томонидан атайлаб ташкил этилган сохта компаниялардан бири бўлган, дейилади хабарда.

Исроил томонидан “Хезболла” ҳаракати раҳбариятига уюштирилган ҳужумларда уларнинг мобил телефони орқали турар жойи аниқлангани сабабли, 2022 йилда ҳаракат аъзолари оммавий равишда пейжерлардан фойдаланишга ўтган эди. Шундан сўнг Исроил сохта компания орқали Ливанга 5 мингга яқин пейжерлар етказиб берган.