Исроил Ливаннинг жануби ва шарқий қисмига қатор зарбалар берди

Исроил армияси Ливан жанубида ва Ғарбий Бекаа шарқий минтақасида қатор ҳаво ҳужумларини амалга оширди.

Ливаннинг расмий NNA хабар агентлиги Исроилнинг мамлакат шарқидаги Ғарбий Бекаа минтақасига бир қатор ҳаво ҳужумларини уюштирганини маълум қилди.

Қайд этилишича, ушбу ҳужумларнинг тўрттаси дрон ва биттаси F-16 қирувчи самолётлари ёрдамида амалга оширилган.

Ҳужумлар натижасида қурбон бўлганлар ҳақида маълумот берилмаган.

Исроил жанговар самолётлари ғарбий Бекаа ҳудуди устида учиб, вақти-вақти билан товушдан тез парвозлар амалга ошираётгани, шунингдек, мамлакат жанубидаги Набатия минтақасига ҳам зарбалар бергани кузатилди.

Ушбу маълумотларга кўра, Набатиянинг Маркаёун ҳудудида Литани дарёси туби ва Набатиянинг Яхмур аш-Шикейф шаҳри ҳам бомбаланган.