Исроил Эронга қарши йирик ҳарбий операция тайёрламоқда, бу Иккинчи жаҳон урушидан кейинги энг йирик ҳарбий операция ҳисобланади. Бу ҳақда Исроил телевидениесининг 14-канали хабар берди.
Қайд этилишича, операцияни Исроил кучларининг ўзлари ёки АҚШ билан келишилган ҳолда амалга ошириш мумкин. Муваффақиятли бўлса, Эроннинг сиёсий тузилмасида жиддий ўзгаришларга олиб келиши мумкин.
Аввалроқ Вашингтон Исроилга Эрон нишонларига зарба бериш учун мўлжалланган кучли бункерларни йўқ қиладиган ракеталарни оммавий етказиб беришни бошлаган эди.
Бундан ташқари, яқинда АҚШ ва Исроил ҳарбий-ҳаво кучлари танкер самолётлари ва бомбардимончи самолётлар ёрдамида узоқ масофаларга кенг кўламли ҳаво ҳужумларини амалга ошириш бўйича қўшма машғулотлар ўтказди .
Шунингдек, сўнгги кунларда Эрон чегаралари яқинида Эроннинг ҳарбий-техник ҳолатини баҳоловчи Америка разведка самолётларининг разведка парвозлари қайд этилди.
Буларнинг барчаси минтақадаги ўта кескин вазиятдан далолат беради, бу эса барча томонлар учун оғир оқибатларга олиб келадиган кенг кўламли урушга айланиши мумкин.
Агар ҳужум амалга оширилса, Теҳрон Исроилнинг ҳарбий ва стратегик нишонларига йирик ракета ва дрон зарбалари билан жавоб бериши кутилмоқда .
Мутахассисларнинг фикрича, Эрон Инқилобий Гвардиясида юзлаб килограмм портловчи моддаларни олиб ўтишга қодир минглаб ер-ер ракеталари ва қанотли ракеталар мавжуд. Улар орасида “Шаҳаб” ва “Хайбар” туркумидаги ракеталар, шунингдек , Исроил ҳарбий инфратузилмасига жиддий зарар етказиши ва катта йўқотишларга олиб келиши мумкин бўлган “Шаҳед” камикадзе дронлари бор.
🔴 БАА судидан шов-шувли қарор: ўзбекистонликлар ўлимга ҳукм қилинди!
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
