Исроил ҳужумидан кейин “ал-Шифо” шифохонаси қабристонга айланган

Ғазо фуқаро мудофааси ал-Шифо шифохонаси ҳудудидан яна 57 та жасадни топди.

Жума кунидан бери ушбу ташкилот уруш давомида шифохона ҳудудига дафн этилган фаластинликларнинг жасадларини излаб топмоқда.

Уларнинг тахминларига кўра, анклавдаги энг йирик тиббиёт мажмуаларидан бири бўлган Ғазо шаҳри шифохонаси ҳовлисида 160 тагача жасад дафн этилган бўлиши мумкин. Шифохона Исроилнинг такрорий ҳужумлари ва босқинлари натижасида вайрон бўлган.

Фаластин фуқаролик мудофааси бугун топилган 57 жасаддан 40 нафарининг шахси номаълумлигича қолганини айтди. Ҳозиргача жами 135 та жасад топиб олинган.