"Биз Ҳизбуллоҳнинг қўмондонлик тузилмасини бутунлай йўқ қилдик, энди ҳарбий ҳаракатларни тўхтатиш мумкин", деди Исроил армияси штаб бошлиғи Герци Ҳалеви. ЦАХАЛ қўмондонлиги Ливанда қуруқликдаги операция бошланганидан деярли бир ой ўтиб шундай хулосага келди.
Исроилнинг Ливандаги амалиётлари давомида Ҳизбуллоҳ етакчиси Ҳасан Насруллоҳ, унинг вориси Ҳошим ал-Дин ва бошқа бир қанча юқори мартабали гуруҳ аъзолари йўқ қилинди.
