Исроил ҳарбийлари Шарқий Қуддусда отишма очди — фаластинликлар ярадор бўлди

2025 йил 1 август куни Исроил ҳарбийлари томонидан ишғол қилинган фаластин ҳудудларида — хусусан, Шарқий Қуддус ва Иордан дарёси Ғарбий соҳилида — ўқ отиш ҳолатлари кузатилди. Ҳодиса натижасида икки нафар фаластинлик ярадор бўлди.

Фаластин Қизил Ярим Ой жамияти тарқатган маълумотга кўра, инцидентлардан бири Шарқий Қуддуснинг шимолида жойлашган Бейт-Даку қишлоғида содир бўлган. Маълум қилинишича, 21 ёшли фаластинлик йигит икки оёғидан оғир жароҳат олган ва у ҳодиса жойида биринчи тиббий ёрдам билан таъминланган.

Сўнгги пайтларда Исроил ҳарбийлари томонидан фаластинлик аҳолига қарши зўравонликлар, рейдлар ва отишмалар сони кескин ошгани кузатилмоқда. Бу эса минтақадаги вазиятни янада кескинлаштирмоқда.

Фаластин расмийлари ва инсон ҳуқуқлари ташкилотлари халқаро ҳамжамиятни Исроилнинг ишғол ва тажовузкорлик ҳаракатларига қарши қатъий чоралар кўришга чақирмоқда.