Исроил армияси сешанба куни Ғаза сектори жанубида бир офицер ва олти аскар ҳалок бўлганини маълум қилди. Ҳарбий матбуот хизматига кўра, улар Хон-Юнусда бронетранспортёр портлаши оқибатида ҳалок бўлган. Марҳумларнинг барчаси муҳандислик қўшинларининг 605-батальонида хизмат қилган.
Бу Ғазода 2023 йил октябрда бошланган қуруқликдаги ҳарбий операциядан бери Исроил армияси учун энг ҳалокатли ҳужумлардан бири ҳисобланади. Ҳозиргача 860 дан ортиқ исроиллик ҳарбий ҳалок бўлган, уларнинг 400 дан зиёди бевосита Ғаза секторида жон берган.
Халқаро ҳамжамият ўт очишни тўхтатишга чақирётганига қарамай, Исроил 2023 йил октябридан буён Ғазода вайронкор ҳарбий кампания олиб бормоқда. Бунинг оқибатида 66 000 дан ортиқ фаластинлик ҳалок бўлган, шуларнинг камида 10 000 нафари вайроналар остида қолган бўлиб, уларнинг кўпчилиги аёллар ва болалардир.
2023 йил ноябрида Халқаро жиноий суд Исроил Бош вазири Биньямин Нетаньяху ва собиқ мудофаа вазири Йоав Галантга нисбатан ҳарбий жиноятлар ва инсониятга қарши жиноятлар бўйича ҳибсга олиш ордерини чиқарган эди. Шунингдек, Исроил БМТнинг Халқаро судида геноцид иши бўйича ҳам жавобгар сифатида иштирок этмоқда.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
