Исроил келгуси бир неча кун ичида Фаластиннинг ХАМАС ҳаракати билан билвосита музокаралар олиб боради, бироқ бу музокаралар муваффақиятсизликка учраса, Ғазо секторидан гаровга олинганларни қайтариш учун мустақил ҳаракат қилишга тайёр.
Бу ҳақда Исроилнинг БМТдаги доимий вакили Денни Данон Fox Business нашрига берган интервьюсида маълум қилди.
"Яқин бир неча кун ичида биз музокарачилар билан Мисрда бўламиз ва ХАМАС ҳақиқатдан ҳам таклиф қилинган режага рози бўлиш нияти бор-йўқлигини аниқлашимиз ва ўйин ўйнашни тўхтатишимиз мумкин. Агар дипломатия муаммони ҳал эта олмаса, биз ўз имкониятларимизга қайтамиз ва нима бўлишидан қатъий назар гаровга олинганларни қайтариб оламиз", деди у.
29 сентябрь куни Оқ уй АҚШ президенти Дональд Трампнинг Ғазо секторидаги можарони ҳал қилишга қаратилган “кенг қамровли режаси”ни эълон қилди. Ҳужжат 20 банддан иборат бўлиб, бошқа нарсалар қатори, Фаластин анклавида вақтинчалик ташқи маъмурият ўрнатиш ва у ерда халқаро барқарорлик кучларини жойлаштиришни назарда тутади. Исроил бу режага розилигини эълон қилди. Фаластиннинг ҲАМАС ҳаракати Ғазода гаровга олинган барча тирик исроилликларни озод қилишга ва ўлганларнинг жасадларини топширишга тайёрлигини билдирди.
6 октябрь куни кечқурун Шарм аш-Шайхда Исроил ва ҲАМАС делегацияларининг билвосита музокаралари давом эттирилди. Миср ва Қатар вакиллари воситачилик қилмоқда, АҚШ томонидан эса президентнинг махсус вакили Стивен Уиткофф ва Трампнинг катта маслаҳатчиси Жаред Кушнер иштирок этмоқда.
Тошкент шаҳри ҳавоси ифлосланишининг сабаби маълум бўлди
Дунёда энг кам ва энг кўп туғилиш қаерда?
«Жаҳаннам Нажоти» Туркияда қўлга олинди
