Исроил ҳарбий самолётлари Ғазо шаҳри жанубидаги Сабра ҳудудида Толиблар оиласи яшаган чодирга зарба берди. Бу ҳақда тиббий манбалар хабар берди. Ҳужум оқибатида бир она, ота ва уларнинг уч фарзанди ҳалок бўлди.
Яна бир фаластинлик Ғазо шаҳри шарқидаги Туффаҳ ҳудудида Исроилнинг ўққа тутилиши оқибатида ҳалок бўлди.
Шужайя ҳудудида Исроил армияси турар-жой биноларига ҳаводан ва қуруқликдан йирик зарбалар берди.
Исроил аскарлари Рафаҳ шимолий қирғоқларида ўт очиб, фаластинлик болани ўлдирди.
Рафаҳнинг ғарбий қисмида тинч аҳоли йиғинини артиллериядан ўққа тутиш натижасида икки киши жароҳатланган.
Гувоҳларнинг хабар беришича, тун давомида Исроил армияси Хон Юнуснинг шарқидаги Абсан ал-Кабира ҳудудига, шунингдек, Нусейрат қочқинлар лагерининг шимолий қисмига вақти-вақти билан артиллерия зарбалари берган.
Ғазо Соғлиқни сақлаш вазирлиги маълумотларига кўра, 2023-йил 7-октябрдан бери Исроил ҳужумлари оқибатида ҳалок бўлганлар сони 52 810 нафарга етди. Биргина сўнгги 24 соат ичида янги зарбалар натижасида 23 фаластинлик ҳалок бўлди, 124 нафари яраланди.
18-мартдан бери 19-январда кучга кирган ўт очишни тўхтатиш келишувининг бузилиши ортидан ҳалок бўлганлар сони 2701 нафарга, ярадорлар сони 7432 нафарга етди.
❕ Исроил ҳужумлари бошланганидан бери жами ярадорлар сони 119 473 нафарга етди. Ғазо ҳукумати маълумотларига кўра, минглаб ўлганларнинг жасадлари вайрон бўлган бинолар вайроналари остида қолмоқда.
