Исроил Бош вазири Биньямин Нетаньяху Ғазо секторидаги энг йирик шаҳар — Ғазо шаҳрини босиб олиш ва ХАМАСни тор-мор қилиш режаси борлигини тасдиқлади. Шу билан бирга, у:
«Барча асирларимизни озод қилиш ва Исроил учун мақбул шартларда урушни тўхтатиш бўйича музокараларни дарҳол бошлаш»
бўйича топшириқ берганини маълум қилди. Унинг таъкидлашича, босқин ва музокаралар бир вақтнинг ўзида амалга оширилади.
Иерусалимдаги Хавфсизлик кенгаши бу ой бошидаёқ Ғазо шаҳрини босиб олиш ва фуқароларни жанубга эвакуация қилиш режасини маъқуллаган.
Исроил ва ХАМАС ўртасида яман орқали ўтаётган музокаралар ҳозиргача самара бермаган ва яқинда вақтинча тўхтаб қолган. Шу билан бирга, АҚШ, Қатар ва Миср каби халқаро воситачилар музокараларни қайта тиклаш устида иш олиб бормоқда.
18 август куни ХАМАС 10 нафар тирик исроиллик асирга алмашув эвазига 60 кунлик оташкесим таклифини берган. Ҳозирги кунда ХАМАС қўлида 50 нафарча исроиллик асир бор бўлиб, шундан 20 нафарга яқини тирик деб ҳисобланмоқда.
Исроил ҳозирча бу таклифга расмий жавоб бермади.
Қишлоқ хўжалиги вазири қўлга олинди
Афғонистон дунё давлатларига мурожаат қилди
Тиббиёт ходимларига «чой пули» тўлашни қонунийлаштириш таклиф этилди
