Исроил бир кечада Ғазода 97 нафар фаластинликни ўлдирди

Исроил мудофаа кучларининг Ғазо секторига берган зарбалари натижасида сўнгги 24 соат ичида камида 97 фаластинлик ҳалок бўлди, ўнлаб кишилар яраланди.

Бу ҳақда Al Masirah телеканали маълум қилди.

Унга кўра, Исроил қўшинлари дронлар ёрдамида бир неча турар-жой биноларини бомбардимон қилган ва Хон-Юнисдаги кўчирилганлар учун чодир лагерига ҳужум қилган.

Бундан ташқари, анклавнинг марказий қисмидаги Нусейрат шаҳридаги бозорда бир гуруҳ фаластинликлар Исроил дронлари томонидан ўққа тутилди.