Исроил аскарлари Сурия жанубидаги бир қанча худудларга бостириб кирди

Исроил аскарлари Сурия жанубидаги Ал-Қунейтра вилоятидаги бир неча қишлоққа кириб, у ерда назорат пунктлари ўрнатди.

Бу ҳақда Суриянинг SANA агентлиги маълум қилди.

Ундаги маълумотларга кўра, "Исроил қўшинлари Ал-Қунейтра вилоятининг марказий ва жанубий қисмларида жойлашган бир қанча қишлоқ ва шаҳарларга кириб, назорат-ўтказиш пунктлари ўрнатган ва тинч аҳолини тинтув қилган". Хусусан, бешта ҳарбий машинадан иборат колонна Голан тепаликлари билан чегарада жойлашган Эр-Рафид шаҳрига кирди. Яна бир колонна вилоятнинг марказий қисмида, Дамашқдан 70 км узоқликда жойлашган Рувайҳина қишлоғига қараб йўл олди.