Исроил армияси Иордан дарёсининг ғарбий қирғоғига ҳаводан зарба бериб, уч кишини ўлдирди

Исроил ҳарбий-ҳаво кучлари Иордан дарёсининг ғарбий қирғоғидаги Женин шаҳри яқинида ноёб ҳаво ҳужумини амалга оширди. Исроил томони ушбу зарба оқибатида «Ҳамас» ҳаракатининг фаоли Қаис Битауи ҳамда унинг икки нафар шериги йўқ қилинганини маълум қилди. Бироқ «Фаластин исломий жиҳоди» қуролли қаноти баёнот бериб, ҳалок бўлганлар уларнинг жангчилари эканини ва Битауи ташкилотнинг Ғарбий қирғоқдаги энг кўзга кўринган етакчиларидан бири бўлганини билдирди.

Ушбу амалиёт Исроил армияси томонидан Ғарбий қирғоқ шимолидаги қочқинлар лагерларида фаластинлик қуролли гуруҳларга қарши олиб борилаётган йирик «Темир девор» ҳарбий кампанияси доирасида содир этилди. БМТ маълумотларига кўра, мазкур йирик ҳарбий ҳаракатлар туфайли лагерлардан қарийб 40 минг нафар аҳоли ўз уйларини ташлаб чиқишга мажбур бўлган. «Ҳамас» ҳаракати Жениндаги ушбу ҳужумни «босқинчи кучлар томонидан амалга оширилган қирғин» деб қоралади ва бунга нисбатан қаршилик янада кучайишини маълум қилди.