Испания кубоги. «Барселона» «Альбасете»ни енгиб, ярим финалга чиқди

“Барселона” меҳмонда “Альбасете”ни Испания Кубоги чорак финал учрашувида 2:1 ҳисобида мағлуб этди.

Каталонияликлар сафида голларни Ламин Ямал (39-дақиқа) ва Рональд Араухо (56-дақиқа) киритишди. Мезбонларнинг ягона жавоб голига Хави Морено (87-дақиқа) муаллифлик қилди.

Шундай қилиб, “Барселона” Испания Кубогининг илк ярим финалчисига айланди. Аввалги босқичда “Реал”ни турнирдан чиқариб юборган “Альбасете” эса мусобақа билан хайрлашди.

Испания Кубогининг қолган ярим финалчилари “Алавес” — “Реал Сосьедад”, “Валенсия” — “Атлетик” ва “Бетис” — “Атлетико” жуфтликлари баҳсидан сўнг аниқланади.

Альбасете - Барселона - 1:2

Голлар: Ямал, 39 (0:1). Араухо, 56 (0:2). Морено, 87 (1:2)

Альбасете: Лисоайн, Dani Bernabeu (Jogo, 60), Нева (Вальехо, 32), Вильяр, Морено, Lorenzo Aguado (Гамес, 73), Пачеко Руис, Ale Melendez (Бетанкор, 61), Capi (Ласо, 73), Пуэртас, Агус Медина

Барселона: Х. Гарсия, Мартин, Э. Гарсия, Араухо (Кунде, 78), Жоау Канселу (Кубарси, 46), Берналь (Касадо, 66), де Йонг, Рэшфорд (Фермин Лопес, 66), Ольмо, Ямал, Левандовски (Торрес, 66)

Огоҳлантиришлар: Dani Bernabeu, 25 - Жоау Канселу, 15