Мадридда 30 мингга яқин одам амалдаги ҳукуматга қарши намойишга чиқди. Бу ҳақда «ТАСС» маълум қилди.
Митинг тушдан кейин шаҳар мерияси жойлашган Cибелес майдонида бошланди. Иштирокчилар ҳукумат ва амалдаги бош вазир Педро Санчес истеъфосини талаб қилмоқда. Бундан ташқари, намойишчилар «конституцияни ҳимоя қилиш» ва «бирлашган ва гуллаб-яшнаган Испания» позициясини билдириш учун чиққанини даъво қилмоқда. Айрим мухолиф сиёсатчилар намойишчиларга қўшилди.
«Биз демократиямизнинг ёмонлашиши, давлатимиз заифлашиши ва институтларнинг жиддий эрозияси ҳақида огоҳлантирамиз. Биз ҳукуматни сепаратизм, тоталитар популизм ва террористик гуруҳлар ворислари қўллаб-қувватлаётганига ва ҳимоя қилаётганига қаршимиз», - деди намойиш ташкилотчилари.
