Ислам Махачев Энтони Жошуани Доғистонга таклиф қилди

Ярим ўрта вазнда UFC чемпиони Ислам Махачев Дубай шаҳрида бокс бўйича супероғир вазн тоифасида собиқ жаҳон чемпиони Энтони Жошуа билан учрашиб қолди.

Британиялик Элфи Дэвисга қарши жанг олдидан енгил вазн тоифасида PFL чемпиони Усман Нурмагомедовнинг жамоасини қутлаш учун кийиниш хонасига кирган Жошуа Ислам билан суҳбат қурган.

Дастлаб Жошуа Махачевга ўз телефонидаги қизиқ нарсани кўрсатган, афтидан, UFC расмий коллекциясидаги футболка бўлса керак. Кейин Махачев британияликка мурожаат қилиб, "Сен келишинг керак, шунчаки футболка [сотиб олиш] эмас", деган.

Жошуа бунга жавобан ҳазиллашиб, унга Доғистонда икки-уч йил керак эмаслигини айтди: "Фақат 2-3 ҳафтага, 2-3 йилга эмас".