АОКАда ўтказилган брифингда Бош прокуратура ахборот хизмати раҳбари Ҳаёт Шамсуддинов фош этилган жиноятлар борасида рақамларни келтириб ўтган.
Қайд этилишича, иш ҳақи ва нафақа пулларининг 5,2 млрд сўми талон-торож қилингани аниқланиб, 63 та жиноят иши қўзғатилди.
Шунингдек, ўтказилган назорат тадбирларида кредит маблағларининг 2,4 трлн сўми талон-торож қилингани аниқланиб, банк ва мижоз корхоналар раҳбарларига нисбатан 791 та жиноят ишлари қўзғатилган.
Хабарда шунингдек, тадбиркорларнинг фаолиятига ноқонуний аралашувлар ҳақида ҳам маълумот берилган. Жорий йилнинг 9 ойида 15 минг 867 та ҳолатда тадбиркорлик фаолиятига ноқонуний аралашув аниқланиб, бартараф этилди ҳамда 12 минг 293 нафар тадбиркорларнинг бузилган ҳуқуқлари тикланган.
Хорижий инвесторлар фаолиятида юзага келган 2 минг 821 та муаммолар ижобий ҳал этилди.
2024 йилги инвестиция дастури ижросини таъминлаш бўйича олиб борилган ўрганишлар давомида таъмирлаш ишлари амалга оширилаётган объектларда 57 млрд сўмлик сифатсиз ишлар ва 76,3 млрд. сўмлик қўшиб ёзиш ҳолатлари жойида бартараф этилиб, ҳуқуқбузарликларнинг олди олинган.
Қўпол қонун бузилиши ҳолатлари бўйича 239 та жиноят ишлари қўзғатилиб, давлатга етказилган 52 млрд сўм зарар ундирилди.
Россия Идлибни бомбардимон қилмоқда
Эрон: Исроил учун АҚШ жавоб беради
Самарқандлик фуқаро пул эвазига Украинага қарши урушда қатнашгани маълум бўлди
