1 апрель куни Ироқ футбол терма жамоаси ўз тарихида иккинчи марта ва сўнгги 40 йил ичида илк бор жаҳон чемпионатига йўлланма олди. Шу муносабат билан мамлакат аҳолисига икки кунлик дам олиш кунлари берилди, дея хабар бермоқда Zakon.kz.
Ушбу тарихий натижа Ироқ терма жамоаси қитъалараро плей-офф финалида Боливияни 2:1 ҳисобида мағлуб этганидан кейин қайд этилди.
Учрашувнинг 58-дақиқасида ғалабани «Месопотамия шерлари»га ҳужумчи Айман Ҳуссайн олиб келди.
Бу муваффақиятдан сўнг Ироқ ҳукумати 1 ва 2 апрель кунларини расман дам олиш кунлари деб эълон қилди.
ЖЧ-2026 қуръасига кўра, Ироқ терма жамоаси Франция, Сенегал ва Норвегия билан бир гуруҳдан жой олди.
Навбатдаги мундиал 11 июндан 19 июлга қадар АҚШ, Мексика ва Канада ҳудудларида бўлиб ўтади.
Маълумот учун, 2026 йилги жаҳон чемпионати тарихда илк бор 48 та жамоа иштирокида ўтказилади.
ЖЧ-2026ни ўтказиб юборадиган энг қиммат футболчилар рейтинги тузилди
Эрон ҳукумати Азмуннинг мол-мулкини мусодара қилишни бошлади
Россия яна Олимпия ўйинларини қабул қилишга тайёр — Путин
