iPhone 20 тугмаларсиз бўладими?

Биринчи iPhoneнинг 20 йиллик юбилейи муносабати билан Apple компанияси смартфон дизайнида инқилобий ўзгаришларни режалаштирмоқда.

Инсайдерлар маълумотларига кўра, 2027-йилги юбилей модели тўлиқ сенсорли тугмаларни олади.

Янги технология барча жисмоний тугмалардан воз кечиб, ҳаракатланувчи қисмларсиз қаттиқ ҳолатли элементларни қўллашни кўзда тутади.

Apple одатий босиш ҳиссини тақлид қилиш учун тебраниш-жавоб тизими ва сунъий интеллектга асосланган махсус овоз алгоритмларидан фойдаланишни режалаштирмоқда.

Инсайдерларнинг таъкидлашича, технология аллақачон барча зарур синовлардан ўтган ва оммавий ишлаб чиқаришга жорий этишга тайёр.

Бундай ёндашув аллақачон MacBook трекпадларида муваффақиятли қўлланилмоқда, бу эса техник муваффақиятсизлик хавфини камайтиради.

Смартфон “бутун периметри бўйлаб юмалоқланган шиша қирралар"га эга бўлади ва “Суюқ шиша” деб номланган янги iOS 26 интерфейси билан бирлашади.

Камерани бошқариш тугмасига ҳам ўзгаришлар киритилади — Apple сиғимли сенсорли қатламни олиб ташлаб, фақат босим кучи датчигини қолдиради.

Келажакдаги iPhone 18 моделларида янада ҳақиқийроқ тебранишни ҳосил қилиш учун пезоэлектрик керамикадан фойдаланиш мумкинлиги кўзда тутилмоқда.

Bloomberg вакили Марк Гурманнинг фикрича, янги iPhone моделларида Dynamic Island ўлчами кичраяди, Apple эса смартфонининг 20 йиллигига янгиланган моделни тақдим этади.

Юбилей версияси эгилган шиша қирраларга, “ғоят юпқа” рамкаларга ва ҳеч қандай бўшлиқ ҳамда кесикларсиз экранга эга бўлади. Бу ҳақиқатан ҳам узлуксиз дизайнга эга биринчи iPhone бўлади.