Ижтимоий тармоқларда Хоразм вилоятининг Урганч шаҳри марказида яланғоч ҳолда юрган эркакнинг видеоси тарқалди. Вилоят ИИБнинг маълум қилишича, мазкур фуқаронинг шахси аниқланиб, ҳозирда суриштирув ишлари олиб борилмоқда.
Тарқалган видео ва суратларда эркак кишининг Урганч шаҳри марказида кийимсиз ҳолда юргани акс этган. Бундан ташқари, ушбу фуқаро ҳудудда хизмат олиб бораётган Миллий гвардия Қўриқлаш бошқармаси ходимлари талабига бўйсунмасдан, улар билан қўпол муносабатда бўлган.
Олиб борилган суриштирув ишлари давомида кўчада яланғоч ҳолда юрган эркак Урганч шаҳрида истиқомат қилувчи, 1994 йилда туғилган, илгари судланмаган ҳамда ИИОда ҳисобда турмайдиган фуқаро эканлиги аниқланган.
«Бугунги кунда Ички ишлар органлари ва тиббиёт ходимлари томонидан ушбу фуқаронинг руҳий ҳолатига ойдинлик киритилмоқда. Ҳолат бўйича унинг хатти-ҳаракатларига ҳуқуқий баҳо берилади. Шундан сўнг бу борада қўшимча ахборот берилади», — дейди вилояти вилояти ИИБ бошлиғи ўринбосари Сардор Раҳимов.
Тошкентда қўлга олинган депутат 14 ёшли ўғил болани зўрлаганликда айбланмоқда
1 майдан электр ва газ учун тарифларни ошириш ҳамда ижтимоий нормани жорий этиш режа қилинмоқда
Тошкентда яна бир “участкавой” пичоқланди
