Индонезиянинг Маланг шаҳридаги стадионда юз берган тартибсизликлар оқибатида ҳалок бўлганлар сони 174 кишига етди.
Бу ҳақда Шарқий Ява провинцияси вице-губернатори Эмил Дардак баёнотига асосланиб, Associated Press хабар бермоқда.
Аввалроқ Индонезия чемпионатидаги футбол учрашувидан кейинги тартибсизликлар оқибатида 120 дан ортиқ футбол ишқибози ҳалок бўлгани хабар қилинганди.
Индонезия президенти Жоко Видодо воқеа юзасидан тергов ўтказишни буюрди.
