Илон Маск 2022 йилда компания бошқарувини ўз қўлига олганидан сўнг ишдан бўшатган Твиттернинг тўрт нафар раҳбари билан $128 млнлик даъвони ҳал этмоқда.
Твиттерни сотиб олганидан кейин Маскнинг биринчи ҳаракатларидан бири бош директор Параг Агравал, молиявий директор Нед Сигал ва етакчи ҳуқуқшунослар Шон Эджетт ва Вижайя Гаддени ишдан бўшатиш бўлди.
Ушбу тўртта раҳбар ҳеч қачон ишдан бўшатиш нафақасини олмаган, улар Маскни компанияни сотиб олишдан бош тортганида $44 млрдлик ваъдасини бажаришга мажбур қилишга уринганликларини даъво қилишган.
Даъво аризасида ҳатто Маскнинг Уолтер Айзексон томонидан ёзилган таржимаи ҳолидан иқтибос келтирилган бўлиб, унда у Твиттернинг юқори раҳбариятидаги ҳар бир кишини “ўлгунча” таъқиб қилишини айтган.
Суд аризасида томонлар келишувга эришганлиги тасдиқланса-да, бу келишув шартлари қандай эканлиги ҳали аниқ эмас.
Фақат бу раҳбарларгина эмас, балки бошқалар ҳам Маскка қарши ишдан бўшатиш нафақасини тўлаш талаби билан судга мурожаат қилишган. Яқинда Маск Твиттердан бўшатилган 6000 нафар ходим билан боғлиқ жамоавий даъвони ҳал қилди.
Бу собиқ Twitter ходимларининг кўпчилиги ўзларига тўлиқ бўлмаган ишдан бўшатиш нафақалари тўланганидан ёки умуман тўланмаганидан шикоят қилишган.
«Жаҳаннам Нажоти» Туркияда қўлга олинди
Бу Европа эмас, Теҳрон кўчалари: эронлик аёллар кўчага мажбурий ҳижобсиз чиқишмоқда (видео)
Йирик астероид Ой билан тўқнашди (видео)
