Илон Маск DOGE ишланмаларини Марказий разведка бошқармаси бошлиғига тақдим этди

АҚШ Ҳукумат самарадорлиги департаментини (DOGE) назорат қилувчи миллиардер Илон Маск Марказий разведка бошқармаси штаб-квартирасига ташриф буюрди.

Бу ҳақда Axios портали хабар бермоқда.

"Бошқа давлат идораларидан фарқли ўлароқ, DOGE Марказий разведка бошқармаси маълумотлар базалари ёки ички тизимларига кириш имконига эга бўлмайди, чунки уларнинг аксарияти ўта махфийдир", — деди Axios .

Унга кўра, Маск Марказий разведка бошқармаси директори Жон Рэтклифф ва унинг ўринбосари Майкл Эллис, шунингдек, бошқа разведка ходимлари билан учрашган. У уларга DOGE хулосаларини тақдим этди, бу эса Марказий разведка бошқармасига бюджет харажатларини қисқартириш ҳаракатларида фойдали бўлиши мумкин.

Аввалроқ разведка хизмати ўз иш самарадорлигини ошириш учун ўз бўлинмасини тузган эди – у бир неча ҳафтадан бери фаолият юритмоқда, дея таъкидлади нашр.