Ҳутийлар яна Тель-Авивдаги аэропортга гипертовушли ракета зарба берди

"Ансор Аллоҳ" ҳаракатидан яманлик ҳутийлар Исроилнинг "Бен Гурион" аэропортига ҳужум қилди. Ҳаракат ҳарбий воизи Яҳё Сария ҳужумда гипертовушли ракетадан фойдаланилганини айтди.

Унинг таъкидлашича, Тель-Авив аэропортига ҳужумда "Паластин-2" гипертовушли баллистик ракетаси ишлатилган.

"Операция муваффақиятли ўтди ва исроилликларнинг оломонни яширинишга ва аэропорт фаолиятини тўхтатишга мажбур қилди", — дейилади ҳаракатнинг Telegram-каналида.

Унинг сўзларига кўра, ҳужум Исроил томонидан Ғазода амалга оширилган геноцид ва очарчиликка жавоб бўлган.

Аввалроқ ҳутийларнинг учувчисиз учоқлари Исроилдаги учта нишонга, жумладан "Бен Гурион" аэропортига зарба берган эди.