Ҳусийлар Исроилнинг "Бен Гурион" аэропортига зарба берди

Яманнинг ҳутийлари Исроилнинг Бен Гурион аэропортига ракета зарбаси берганини маълум қилди.

Бу ҳақда исёнчилар тузган қуролли кучлар вакили Яҳё Сария маълум қилди.

Зарбаларда "Зулфиқор" баллистик ракетаси ишлатилган, деди у исёнчиларга тегишли Al Masirah телеканалида.

Сариянинг сўзларига кўра, операция "ўз мақсадига муваффақиятли эришган" ва зарба натижасида аэропорт фаолияти "тахминан бир соатга тўхтатилган". Бундан ташқари, яманлик исёнчилар учувчисиз самолётлар ёрдамида Тел-Авив ва Ҳайфадаги иккита нишонга зарба берди.