Ҳусанов Англия терма жамоаси аъзоси билан рақобатлашиши мумкин

Сўнгги пайтларда кўплаб клублар, айниқса, "Ливерпуль" "Кристал Пэлас" ҳимоячиси Марк Гехини ўз таркибига қўшиб олишга жиддий қизиқиш билдираётганди.

Маълум бўлишича, айни вақтда унга "Манчестер Сити" ҳам қизиқиш билдирмоқда экан. Бу ҳақда футболчининг агенти хабар берди.

Айни вақтда "Сити"да Стоунз, Диаш, Аке, Аканжи, Гвардиол ва Ҳусанов каби марказий ҳимоячилар бор. Аканжи ёзги трансферлар ойнасида жамоани тарк этиши кутиляпти. Агар унинг ўрни Гехи билан тўлдирилса, Ҳусановда асосий таркибда майдонга тушиш учун имкониятлар камайиб кетади.

Гехи Англия терма жамоаси аъзоси ҳисобланади ва терма сафида "Евро-2024"да иштирок этди. Унинг "Трансфермаркт" порталидаги қиймати 45 миллион еврони ташкил қилади.