Ҳўрмузда кема қатнови кескин камайди, нефт 96 доллардан ошди

Reuters келтирган Kpler маълумотларига кўра, сешанба куни Ҳўрмуз бўғози орқали атиги 4 та юк кемаси ўтган. Бир кун аввал бу кўрсаткич 10 та, сўнгги ўн кунлик ўртача кўрсаткич эса қарийб 13 та эди.

Ҳўрмуз бўғози дунё энергетика бозори учун стратегик аҳамиятга эга. Тўқнашувдан аввал жаҳонда истеъмол қилинадиган нефтнинг қарийб бешдан бир қисми шу йўл орқали ташилар эди.

3 сентябр куни геосиёсий хавфлар таъсирида нефт нархи яна кўтарилиб, бир баррел учун 96 доллардан ошди. Олтин нархи ҳам хавфсиз активларга талаб ортиши фонида ўсди.

Бу ҳолат нефт импорт қилувчи давлатларда ёқилғи ва логистика харажатларига босимни кучайтириши мумкин.