«Ҳудудгазтаъминот» АЖ хонадонлардаги уй ичи газ жиҳозларини мониторинг қилиш ва уларга сервис хизмат кўрсатиш дастурини ишга туширмоқда
Компания ахборот хизмати маълум қилишича, мутахассисоар “HGT Service” дастурий таъминотини - газ ускуналарининг ҳолати тўғрисида батафсил маълумотларни масофадан йиғиш ҳамда ҳар бир абонент бўйича табиий ва суюлтирилган газдан оқилона фойдаланишни назорат қилиш технологиясини ишлаб чиққан.
Ушбу дастур газ ускуналарини кундалик ҳаётда ишлатишда истеъмолчилар хавфсизлигини таъминлашга, газ таъминоти тизими ходимлари томонидан газ жиҳозларига техник ва профилактик хизмат кўрсатиш бўйича мажбурий хизматлар сифатини баҳолаш ва ўзаро ҳисоб-китобларни нақд пулсиз амалга оширишга қаратилган.
