Ҳозир энг муҳими шунчаки ўт очишни тўхтатиш эмас, балки тинчлик келишувига эришишдир —АҚШ президенти

Доналд Трамп бу ҳақда ўзининг Truth Social ижтимоий тармоғида ёзди.

"Россия раҳбари Владимир Путин билан учрашувдан ҳам, ундан кейин Украина президенти Володимир Зеленский ва Европа етакчилари билан ўтказилган телефон суҳбатдан ҳам мамнунман. Ҳамма “Россия ва Украина ўртасидаги даҳшатли урушни тугатишнинг энг яхши йўли бу урушни якунлайдиган тинчлик келишувига эришиш, тез-тез бузиладиган ўт очишни тўхтатиш ҳақидаги битим эмас”, деган ягона фикрга келди", — деб ёзди АҚШ президенти.

Трамп, шунингдек, душанба куни кундузи Зеленский Вашингтондаги Оқ уй Овал кабинетига келишини билдирди.

"Агар ҳаммаси муваффақиятли бўлса, биз президент Путин билан учрашувни ташкиллаштирамиз. Бу миллионлаб инсонларнинг ҳаётини сақлаб қолиши мумкин", — дея қўшимча қилди Доналд Трамп.