Ҳормуз бўғозида икки нефт танкери портлаб кетди

Эрон Ислом инқилоби қўриқчилари корпуси (ИИҚК) Ормуз бўғозида икки нефт танкери минада портлаб, ёна бошлаганини билдирди.

Ҳарбийларнинг баёнотини Эроннинг Tasnim агентлиги томонидан келтирган.

Қайд этилишича, танкерлар Ормуз бўғозининг шарқий қисмида ҳамда бевосита бўғоз ҳудудида белгиланган йўналишдан четга чиқишга уринган.

Баёнотда таъкидланишича, кемалар бир қатор қоидаларни бузган, навигация ва жойлашувни аниқлаш тизимларини ўчирган ҳамда бўғоздан рухсат этилмаган йўналиш бўйича ўтишга ҳаракат қилган.

Натижада ҳар икки кема минада портлаган ва шундан сўнг кучли ёнғин юзага келган.