Дональд Трамп Қўшма Штатларда ҳокимият тепасига келганидан бери Америка кинокомпаниялари инклюзивликни тарғиб қилишни тўхтатди ва энди асосий эътиборни оилавий қадриятларга қаратмоқда.
Бу ҳақда Le Figaro нашри ёзмоқда.
Голливуд студиялари гейлар иштирокидаги фильмлар ва сериалларни қисқартиришни бошладилар ва диний мавзулар ва қишлоқ ҳаёти ҳақидаги ҳикояларга кўпроқ мурожаат қилмоқдалар. Ушбу ўзгаришга туртки бўлган президент Трампнинг иқтисодиётнинг барча тармоқларида хилма-хиллик, тенглик ва инклюзивлик сиёсатига қаратилган фармойишлари бўлди.
Кино саноатидаги илк ўзгаришлар аллақачон сезилмоқда, дея таъкидлайди Le Figaro: Дисней студияси болалар учун мўлжалланган мультфильмга трансгендер қаҳрамонни қўшишдан бош тортди, Amazon ва Netflix стриминг хизматлари Инжил ҳикояларига асосланган фильмларнинг премьерасини муваффақиятли ўтказди. Йирик студиялардан бирининг собиқ раҳбари Le Figaro нашрига берган интервьюсида кўпроқ вестерн ва жанговар фильмлар ҳам экранларда пайдо бўлишини, Трампнинг "Американи яна буюк қилсин" сиёсий шиори ва у билан боғлиқ барча муносабат "кўнгилочар индустриянинг ишлаб чиқариш жараёнига" таъсир қилишини айтди.
Техас кўлида 2 метрлик маҳлуқ қўлга тушди, бу жаҳон рекорди бўлиши мумкин
Абдуқодир Ҳусанов нега майдонга тушмаётганлигига ойдинлик киритилди. Асл муаммо нимада?
Украиналиклар қозоғистонлик ёлланма жангчиларнинг номларини эълон қилди. Қозоғистонда саросима бошланди
