Ҳоланд 4 млн фунтга «Бугатти» сотиб олди (фото)

Эрлинг Ҳоланд январь ойида «Манчестер Сити» билан ўн йиллик шартнома имзолади. Унга кўра норвегиялик футболчи ҳафтасига 500 минг фунт маош олади.

У буни катта харид билан нишонлади – эксклюзив «Bugatti Tourbillion» сотиб олди! Солиқлар билан ҳисоблаганда, унинг баҳоси тахминан 4 миллион фунт стерлинг.

Ушбу модель 2024 йилда тақдим этилган, лекин ишлаб чиқариш 2026 йилда бошланади. Жами 250 дона ишлаб чиқарилади ва у гибрид двигателга эга бўлади.

Ҳатто янги шартнома ҳисобга олинганда ҳам, суперкарнинг нархи Ҳоланднинг икки ойлик маошига тенг. Шунинг учун у бу машинани болаликдаги дўсти, машина коллекционери ва инвестор Оле Эртвааг билан бирга сотиб олган.