Эрон қўллаб-қувватланадиган “Ҳизбуллоҳ” гуруҳи Ливан ва Исроил ўртасидаги ўт очишни тўхтатиш сулҳини рад этди. Тел Авив эса бунга жавобан Ливандан ўз қўшинларини олиб чиқмаслигини таъкидлади.
“Ҳизбуллоҳ” раҳбари Наим Қосим АҚШ воситачилигида Исроил ва Ливан ҳукумати ўртасида тузилган келишувни рад этди. Гуруҳ бу музокараларда иштирок этмаган. Ҳозирча Исроил ёки Ливан бу баёнотга расмий муносабат билдирмади.
АҚШ президенти Доналд Трамп журналистларга Ливан масаласида силжиш борлигига ишонишини маълум қилди. Аввалроқ Трамп Вашингтон ташаббуси билан эришилган сулҳлар Ливандаги урушни бутунлай тўхтатмаганини, балки отишмаларни бирмунча камайтирганини айтган эди.
Эрон Ислом инқилоби қўриқчилари корпусининг “Қудс” кучлари қўмондони Исроил камида уруш бошланишидан олдинги позицияларига қайтиши шартлигини билдирди.
Исроил Ливан жанубига зарбалар беришда давом этмоқда. Исроил мудофаа вазири Исраэл Кац мамлакат қўшинлари ортга чекинмаслигини ва операцияларни тўхтатмаслигини маълум қилди. Исроил март ойида Эрон билан урушга параллел равишда Ливанга бостириб кирган эди. Бу “Ҳизбуллоҳ”нинг Исроилга қарата ракеталар учирганига жавоб сифатида амалга оширилган.
Ўзбекистонда янги кўл пайдо бўлди
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
Россия Молия вазирлиги ва Марказий банк Путинни огоҳлантирди
