Ҳиндистонлик спортчи қиз "100 грамм" туфайли Олимпиададан четлатилди. У финалга чиққанди

Ҳиндистонлик аёл курашчи Винеш Пҳогат 2024 йилги Париж Олимпиадасида 50 килограммгача бўлган эркин кураш мусобақасидан дисквалификация қилинганидан бир неча дақиқа ўтиб касалхонага ётқизилди.

Сешанба куни Олимпиада финалига чиққан биринчи аёл курашчи бўлиб тарихга кирган 29 ёшли спортчи сувсизланиш туфайли йиқилиб тушди.

Чоршанба оқшомида Пҳогат финалда америкалик Сара Хилдербрандтга қарши ўйнаши керак эди. Аммо 50 кг вазн тоифасида финалга чиқа олмади, чунки у 100 грамм ортиқча вазнга эга эди ва натижада дисквалификация қилинди. Бу шуни англатадики, Винеш ўзининг илк Олимпия медали учун курашиш имкониятига эга бўлмайди.

Эркин кураш бўйича аёллар ўртасидаги 50 килограмм вазн тоифасида Винеш Пҳогат барча қаршиликларга қарамай финалга чиқди. Бироқ, сешанба оқшомида финал йўлланмасини қўлга киритган куни 2 килограммга яқин ортиқча вазнга эга эди.

ОАВ маълумотларига кўра, 29 ёшли Пҳогат тун бўйи югуриш, арқонда сакраш ва велоспорт каби кучли спорт турлари билан шуғулланиб, вазн йўқотиш учун ҳаракат қилган. Аммо 7 август куни эрталаб 50 кг 100 грамм вазн босди.

Халқаро кураш қоидаларининг 11-моддасига кўра, Винешнинг ўрнига ярим финалда унга ютқазган курашчи тушади ва шунинг учун Гусман Лопес Юснейлис финалда Хилдербрандтга рақиб бўлади.