Бугун 16 ноябрь, 2026 йил, душанба

O'ZB

Ҳиндистонда дунёдаги энг баланд темир йўл кўприги очилди

A A A
Ҳиндистонда дунёдаги энг баланд темир йўл кўприги очилди

Ҳиндистоннинг Кашмир водийсини мамлакатнинг бошқа ҳудудлари билан боғловчи дунёдаги энг баланд темир йўл кўприги очилди, дея бош вазир Нарендра Моди Х ижтимоий тармоғидаги саҳифасида маълум қилди.

Қайд этилишича, 2003 йилда бошланган қурилиш ишлари Ҳиндистонга 160 миллион долларга тушган. Кўприкда -10 даражадан +40 даражагача бўлган ҳароратга чидамли пўлат материаллардан фойдаланилган.

Кўприк Ченоб дарёси устидан ўтган бўлиб, у денгиз сатҳидан 359 метр баландликда қурилган. Иншоотнинг умумий узунлиги 1,3 километрдан ортиқни ташкил этади.

Ченоб темир йўл кўприги дизайндаги ихтирочилик ва қурилиш маҳоратини намойиш этади. У алоқаларни мустаҳкамлайди, шу тариқа савдо-сотиқ, тижорат ва туризмни рағбатлантиради, — деди Ҳиндистон бош вазири.

6 июнь куни кўприкдан илк бор иккита йўловчи поезди ўтган. Мазкур кўприк 272 километрлик Удхампур—Сринагар—Барамулла (USBРЛ) темирйўл линиясининг бир қисми ҳисобланади. У Жамму ва Кашмирнинг олис ҳудудларини Ҳиндистоннинг қолган қисми билан боғлайди.

Киритилди: 18:23 07.06.2025. Ўқилди: 1621 марта. Фикрлар сони: 0 та.
telegram channel

Энг кўп ўқилган янгиликлар