Ҳиндистон Трампнинг таҳдидларидан кейин Россия нефтига муқобил вариант изламоқда

Ҳиндистон Трампнинг таҳдидларидан кейин Россия нефтига муқобил вариант изламоқда. Бу ҳақда Bloomberg хабар берди.

Ҳиндистоннинг Bharat Petroleum ва Hindustan Petroleum давлат корпорациялари май ойида Яқин Шарқ, Шимолий денгиз ва Ўрта ер денгизидан нефт етказиб бериш устида ишламоқда, деб тендер ҳақида маълумот олган маҳаллий трейдерларга таяниб хабар бермоқда Bloomberg нашри. "АҚШ президенти рус нефти харидорлари учун янги санкциялар жорий этиш билан таҳдид қилгани сабабли, хинд компаниялари Россияга қарамликни камайтиришга интилмоқда", деб ёзади агентлик.

Аввалроқ Трамп Москва Украинада ўт очишни тўхтатишга тўсқинлик қилса, бутун Россия нефтига иккиламчи божлар жорий этишга ваъда берганди.

АҚШ президентининг сўзларига кўра, гап 25-50 фоизлик божлар ҳақида кетмоқда, улар исталган вақтда жорий этилиши мумкин ва агар ўт очишни тўхтатиш тўғрисида келишув тузилмаса, бир ой ичида кучга киради. Бироқ, Трамп Путин учун аниқ бир муддатни белгилагани йўқ.