Россия тўғридан-тўғри инвестициялар жамғармаси коронавирусга қарши “Спутник V” вакцинасининг 100 миллион дозасини Ҳиндистон фармацевтика компаниясига етказиб беришга келишиб олди.
Бу ҳақда "РИА Новости"га таяниб "sputniknews-uz.com" хабар қилмоқда.
Гап етакчи ҳинд фармацевтика фирмаларидан бири Dr. Reddy's Laboratories Ltd (Dr. Reddy's) ҳақида бормоқда.
“Етказиб бериш 2020 йил охирида клиник тадқиқотлар натижалари ва вакцина Ҳиндистонда рўйхатга олинганидан сўнг бошланиши мумкин”, - дейилган хабарда.
Россиянинг Гамалея институти томонидан яратилган коронавирусга қарши вакцина дунёда биринчи бўлиб 11 август куни рўйхатга олинди ва у “Спутник V” деб номланди. 8 сентябрь куни у кенг муомалага чиқарилди. 9 сентрябрь куни эса у билан Москвада кўнгиллиларни коронавирусга қарши эмлаш бошланди.
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
ЖССТ: Исроилнинг Рафаҳга ҳужуми гуманитар фалокатни янада кучайтиради
