Ҳиндистон Арманистонга мудофаа жиҳозларининг асосий етказиб берувчисига айланмоқда

Ҳиндистоннинг Bharat Forge компанияси MArG 155 ўзиюрар гаубицаларини етказиб бериш режаларини тасдиқлади, дея хабар бермоқда IDRW (Indian Defence Research Wing).

Нашрнинг қайд этишича, Ҳиндистон Арманистонга мудофаа жиҳозларининг асосий етказиб берувчисига айланмоқда. Хусусан, 2020 йилда Арманистон Ҳиндистондан тўртта "Свати" мобил радар қурилмасини сотиб олгани, 2022 йил сентябрида эса "Пинака" кўп учирувчи ракета мажмуалари, танкга қарши ракеталар ва турли ўқ-дориларни харид қилиш бўйича 245 миллион долларлик шартнома имзолангани таъкидланган.