“Ҳеч ким кафолатда эмас” – Нетаняҳу Эрон раҳбариятини огоҳлантирди

Исроил Бош вазири Биньямин Нетаняҳу Эрон олий раҳбари Оятуллоҳ Али Хоманаийга нисбатан хавфли баёнот берди. Унинг айтишича, Исроил армияси Эрон ҳудудидаги исталган нишонга зарба беришга тайёр ва “дахлсизлар” деган тушунча мавжуд эмас.

“Мен армияга топшириқ бердим: Эронда дахлсизлар йўқ. Қолганини воқеаларнинг ўзи айтади”, — деди у KAN телеканалида чиқиш қилар экан.

Нима демоқчи Нетаняҳу?

• У ҳокимият алмашиши Исроилнинг мақсади эмаслигини таъкидлади, аммо уруш оқибатида бу рўй бериши мумкинлигини инкор этмади.

• Исроил ҳарбийлари Эроннинг барча ядровий объектларини нишонга олиш қобилиятига эга, деб билдирди.

АҚШ билан муносабатлар:

• Ушбу операция Вашингтондан “яшил чироқ” кутмасдан амалга оширилаётганини айтди.

• Бироқ АҚШ, хусусан Трамп маъмурияти, Исроилга катта қўллаб-қувватлов кўрсатаётгани таъкидланди.

• АҚШ ҳарбий учувчилари Эрон дронларини йўқ қилишда иштирок этмоқда, THAAD ҳаво мудофаа тизими ишга туширилган.

Исроил мудофаа вазири Исраэль Кац аввалроқ Хоманаийни “диктатор” деб атаган ва бундай одам ҳокимиятда қолмаслиги керак, деган. Нетаняҳу эса Беэр-Шевадаги “Сорока” касалхонасида шифохонада бўлар экан, мақсадли йўқ қилиш вариантлари кўриб чиқилаётганини тасдиқлаган.