ҲАМАС АҚШга Ғазо секторида ҳарбий ҳаракатларни қайта бошлашга тайёр эканини билдирди

Ал Hadath телеканали маълумотларига кўра, ҳаракат вакиллари Трампнинг махсус вакили Стив Уиткофф ва унинг куёви Жаред Кушнерга ўт очишни тўхтатиш тўғрисидаги келишув амалда бекор бўлганини айтган, чунки Исроил уни тизимли равишда бузмоқда.

ҲАМАСнинг Теlegram-каналида эълон қилинган баёнотида айтилишича, Исроил армияси қўшинларни Ғазо секторидан чиқаришнинг биринчи босқичида томонлар келишган "сариқ чизиқ"дан ташқарида ҳам ўз назорат ҳудудини кенгайтиришга уринмоқда.