«Манчестер Сити» клуби ва бош мураббий Хосеп Гвардиола мавсум якунланганидан сўнг ҳамкорликни давом эттириш-эттирмаслик масаласини ҳал қиладиган муҳим учрашув ўтказади. Бу ҳақда X ижтимоий тармоғидаги Topskills Sports UK аккаунти хабар бермоқда.
Манбага кўра, Гвардиоланинг келажаги яқин ойлардаги натижаларга боғлиқ бўлади. Агар 2025/2026 йилги мавсум клуб раҳбарияти кутган натижаларни бермаса, унинг кетиши реал вариант сифатида кўрилмоқда. Қайд этилишича, «шаҳарликлар» Гвардиола 2026 йил ёзида жамоани тарк этган тақдирда, эҳтимолий ўринбосар сифатида италиялик мутахассис Энцо Маресканинг вакиллари билан алоқага чиққан.
Айтилишича, Мареска «Ман Сити»да ишлашга жуда қизиқмоқда ва бош мураббий лавозимини эгаллашга тайёр.
Гвардиоланинг «Манчестер Сити» билан шартномаси 2027 йил ёзига қадар амал қилади. АПЛнинг 22 та учрашувидан сўнг «шаҳарликлар» 43 очко жамғариб, иккинчи ўринни эгаллаб турибди.
Алонсо "Реал"дан истеъфога чиқарилгач, илк бор ўз фикрларини билдирди
Хаби Алонсонинг рафиқаси унинг «Реал»дан кетишига муносабат билдирди
Юрген Клопп қачон «Реал»ни қабул қилиб олиши мумкинлиги айтилди
