Гвардиола - асосий таркиб танлови ҳақида: «Ҳамма ўйнайди»

"Манчестер Сити" бош мураббийи Хосеп Гвардиола жамоанинг айни дамдаги таркиби ҳақида фикр билдирди.

Яқиндагина испаниялик мутахассис футболчиларнинг ҳаддан ташқари кўплигидан норозилик билдирган эди.

"Биз ҳар уч-тўрт кунда ўйин ўтказамиз, шунинг учун ҳамма ўйнайди. "Вулверхэмптон"га қарши ўйинда майдонга тушмайдиган йигитлар "Тоттенхэм"га қарши ўйнаши мумкин. Менга барча футболчиларимиз ёқади - акс ҳолда улар бу ерда бўлмасди. Клубда мени қониқтирмайдиган ҳеч ким йўқ. Бу Жеймс Макатига ҳам тегишли, уни биз билан кўрганимдан жуда хурсандман," - деди Гвардиола матбуот анжуманида.