Гвардиола Артетага чемпионликни «совға қилиш» ҳақидаги чақириқларга жавоб қайтарди

«Манчестер Сити» бош мураббийи Хосеп Гвардиола Англия Премьер-лигасидаги чемпионлик пойгаси ва «Арсенал» мухлисларининг ижтимоий тармоқлардаги чақириқларига кескин муносабат билдирди.

Лондонлик мухлисларнинг «Микель Артетага чемпионликни беринг» мазмунидаги фикрларига жавобан, испаниялик мутахассис Премьер-лигада совринлар ҳеч қачон совға қилинмаслигини таъкидлади.

«Унга ғалаба қозониш имконини берайми? Бу хайрия ташкилоти эмас, бу — Премьер-лига. Менга фаолиятим давомида ҳеч ким ҳеч нарсани шунчаки бериб қўймаган, ҳаммасига ўз меҳнатим билан эришганман. Агар Артета чемпионликни хоҳласа, у менинг қаерда эканимни ва кураш майдони қаердалигини яхши билади.

Гўёки мен ғалабалардан чарчагандек, четга чиқишимни сўраманглар... Мен ғалаба қозонишдан асло чарчамайман. «Арсенал»ни чемпионликка лойиқ дейишмоқда. Нима учун лойиқ? Чиройли тарзда иккинчи ўринни эгаллагани учунми? Совринлар раҳм-шавқат билан берилмайди. Агар менинг яна ғалаба қозонишимни истамасангиз, унда мени тўхтатинг. Ҳаммаси жуда оддий», — деди Гвардиола.