Гўшт нархининг ошиши нафақат Ўзбекистонда, балки бутун дунёда кузатилмоқда. БМТнинг Озиқ-овқат ва қишлоқ хўжалиги ташкилоти (ФАО) маълумотларига кўра, 2024 йил декабрь ойида глобал миқёсда гўшт нархлари 2023 йил декабрига нисбатан 2,7 фоизга ошган.
Ташкилотга кўра, бундай ҳолат дунёда гўшт ишлаб чиқариш ҳажмининг секинлашиши ва йирик импорт қилувчи давлатларда талабнинг юқорилиги билан боғлиқ. Бу эса мол, қўй ва товуқ гўшти нархларининг ошишига олиб келмоқда.
Ўзбекистонда ҳам ер ва сув ресурслари чекланган бўлишига қарамай, 2025 йил февраль ойида мол гўшти нархи 3,7 фоизга ошди. Таққослаш учун, кенг яйловларга эга Қозоғистонда бу кўрсаткич 6,2 фоизни ташкил этди.
Шунингдек, Россияда йил бошидан буён товуқ гўшти нархи 9,7 фоизга ошган. Қозоғистонда бу кўрсаткич 4,7 фоизни ташкил этган бўлса, Қирғизистонда нархлар деярли ўзгаришсиз қолган. Ўзбекистонда эса товуқ гўшти нархи ҳатто 0,5 фоизга арзонлашган.
Умуман олганда, Ўзбекистонда гўшт нархи минтақавий тенденциялар доирасида сақланиб турибди ва глобал бозор тебранишларига нисбатан барқарор.
Тошкент вилоятида қизларни шаҳвоний мақсадда Ўзбекистондан олиб чиқмоқчи бўлган 8 нафар шахс ушланди
Тунги клубда бир инсонни уриб комага туширган шахс қўлга олинди
Ўзбекистонда доллар курси тушди. Евро ва рублниг қиймати ошди
