Гўшт истеъмоли айрим инсонларда хотирани яхшилаши мумкин. Олимлар APOE генининг ўзига хос вариантига эга бўлган кекса одамларда гўштни кўпроқ истеъмол қилиш хотира пасайишининг секинлашиши ва деменция хавфининг пасайиши билан боғлиқ бўлиши мумкинлигини аниқладилар.
Ушбу генотиплар, ε3/ε4 ва ε4/ε4, Алцгеймер касаллиги хавфининг ортиши билан боғлиқ деб ҳисобланади. Тадқиқот натижалари JAMA Network Open журналида чоп этилди.
Тадқиқотга дастлаб деменциясиз 60 ёшдан ошган 2157 киши киритилган. 15 йил ичида уларнинг 296 тасида касаллик ривожланган. Тадқиқотчилар APOE ε3/ε4 ва ε4/ε4 вариантларига эга бўлган шахслар гуруҳини алоҳида таҳлил қилишди - бу барча иштирокчиларнинг тахминан тўртдан бир қисми. Бу шахслар орасида гўштни кўпроқ истеъмол қилиш когнитив саломатликнинг яхши натижалари билан боғлиқ эди.
Ушбу генетик вариантларнинг ташувчиларида гўштни кўп истеъмол қилиш, гўштни кам истеъмол қилиш билан солиштирганда, когнитив пасайишнинг секинлашиши ва деменция хавфининг тахминан 55 фоизга пасайиши билан боғлиқ эди. Бошқа ген вариантлари бўлган иштирокчиларда бундай боғлиқлик топилмади.
Бироқ, рационда қайта ишланган гўштнинг юқори улуши ёмонроқ прогноз билан боғлиқ эди. Муаллифлар тадқиқот кузатув асосида ўтказилганини ва шунинг учун тўғридан-тўғри сабаб-оқибат боғлиқлигини исботламаслигини таъкидлайдилар. Бироқ, натижалар шуни кўрсатадики, парҳезнинг мия саломатлигига таъсири инсоннинг генетик тузилишига боғлиқ бўлиши мумкин ва универсал парҳез тавсиялари ҳамма учун ҳам мос келмаслиги мумкин.
Ҳусановнинг финалдаги ўйини қандай баҳоланди?
Эрон Трампнинг Ҳормуз бўғозини очиш ҳақидаги ультиматумига жавоб берди
Трампнинг онаси ўғли ҳақида: "У ақлсиз..."
