Грузиянинг Рача курорт ҳудудида содир бўлган кўчки натижасида қурбонлар сони 20 кишига етди, деб хабар бермоқда Imedi телекомпанияси. Яна 13 нафар бедарак йўқолган одамни қидириш ишлари давом этмоқда.
“Воқеа қурбонлари сони 20 кишига етди, шу дақиқаларда қутқарувчилар яна бир жасадни топдилар”, — дея иқтибос келтиради ТАСС.
Қайд этилишича, воқеа жойида 400 дан ортиқ қутқарувчи ва ҳарбий хизматчилар ишламоқда.
