Исроил ҳукумати швед фаоли Грета Тунберг бир гуруҳ тарафдорлари билан яхтада Ғазо секторига етиб олишга уринганидан кейин депортация қилди. Исроил ТИВ маълумотларига кўра, Тунберг ҳужжатларни имзолашдан бош тортган ва энди суд қарори билан депортация қилинадиган баъзи ҳамроҳларидан фарқли ўлароқ, ихтиёрий депортацияга рози бўлган.
Эълон қилинган кадрларга кўра, 22 ёшли Тунберг Швецияга учаётган самолётда чарчаган ва асабийлашган. Исроилда у ХАМАСга яқин қарашларни илгари сурганликда айбланиб, “антисемит” деб аталган. Исроил Мудофаа вазири Исроил Катз Тунберг ва унинг ҳамроҳларига 2023-йил 7-октябр куни Хамас ҳужуми акс этган суратларни тақдим этганини, бироқ улар рад этишганини айтди.
Бир ҳафта олдин Тунберг ва бир гуруҳ фаоллар ўзлари билан бир қанча гуманитар ёрдам олиб, Мадлин яхтасида Италиядан Ғазо қирғоқларига сузиб кетишган эди. Исроил ҳарбийлари кемани тўхтатиб, юкларни етказиб беришни ўз зиммасига олишни таклиф қилган. Ўша пайтда Тунберг олдиндан ёзиб олинган видеони жойлаштирди, унда у "Исроил армияси томонидан ўғирлаб кетилган" деб даъво қилди.
"Ғазога ким ҳақиқатда ёрдам бермоқда ва ким шунчаки ўз нафсини оширмоқда? Грета гуманитар ёрдам олиб келмади - у ўзи олиб келди", деди Исроил ҳукумати вакили Девид Ментзер Тунбергнинг ҳаракатини "Инстаграм фаоллиги" деб атаган.