Грецияда бортида 273 нафар йўловчи бўлган самолёт ҳавода ёниб кетди

Philenews хабарига кўра, Корфу оролидан атиги бир неча дақиқа олдин кўтарилган Boeing 757-300 самолётининг двигателида ёнғин чиққан.

Рейсни Condor Airways авиакомпанияси амалга оширган. Ўнг двигатель тахминан 460 метр баландликда ишдан чиққан. Учувчилар уни ўчиришга ҳаракат қилган, бироқ парвозни битта двигателда давом эттиришга қарор қилган. Самолёт 2,4 километр баландликда ҳаракатланиб, Италиянинг Бриндизи аэропортига фавқулодда қўнган.

Қўнишдан сўнг йўловчилар тунни меҳмонхонада ўтказган. Жабрланганлар ҳақида маълумот мавжуд эмас.