Голливуд актрисаси Кристина Риччи карантин унинг оиласига ёмон таъсир қилганини, изоляция пайтида эса эри томонидан калтакланганлигини маълум қилди.
Бу ҳақда “ТМZ” томонидан хабар берилган.
Унинг сўзларига кўра, актриса эндилик нафақат ўзининг, балки ўғлининг ҳаётидан ҳам қўрқмоқда.
Таъкидланишича, Риччи ўтган йилнинг июль ойида эри, актёр Жеймс Хеердеген билан ажрашиш тўғрисида ариза берган. Ўзининг қонуний даъвосида, актриса жанжалларнинг бирида эрининг унга тупурганлигини айтган.
Актрисанинг қайд этишича, шунга ўхшаш безорилик ҳаракатлари 2019 йилнинг декабридан бошланган.
Шунингдек, ҳужжатларда маълум қилинишича, Жеймс ўтган йилнинг июнь ойида Риччига икки марта ҳужум қилган ва жанжалдан сўнг фавқулодда хизматларга қўнғироқ қилишига тўсқинлик қилган. Бундан ташқари, Жеймс актрисани ўлдириш билан қўрқитган.
Суд қарори билан Жеймснинг актрисага 90 м дан яқинроқ яқинлашиши тақиқланган.
